Augusta Mia

Augusta mia, terra di suli e d’amuri,
tutta vagnata di l’azzurru mari,
quantu ti fici, si, ppi fariti ammirari.
Magari ca ne seculi fu amara la to sorti,
picchi troppi guai ti purtarunu morti
guerri e tirrimoti suppurtasti,
ma sempri cchiù bedda rinascisti.
Ricchezza si ricava do to portu,
magari e stranieri da cunfortu!
Vaddannu a tia si scordunu di suffriri
e tutti ti salutunu prima di partiri
prigannu Diu di farli riturnari
picchi a to aurora vonnu ancora ammirari.
Ti vogghiu beni assai,
cara e duci città natia,
è comu na malatia
ca di tia nun mi fa scurdari mai;
e si sugnu custrittu gnornu a te lassari,
intra lu senu to, prestu vogghiu turnari.
Ma nta na città nun si è tutti rosi e ciuri,
c’è sempri na spina ch’a genti fa trivuliari:
sunnu li politici to ch’annu bisognu di curi
ppi putiri onestamente guvirnari;
accussì sta genti nostra finisci di suffriri
e di paci e binissiri tutti quanti gudiri.


E. Buccheri